Dag 1 – Vertrek vanaf Johannesburg Internasionale Lughawe na Tokio. Aandete aan boord. Japan is ’n land van ongelooflike tradisie en tegnologie, en die avontuur begin reeds wanneer jy in die vliegtuig stap. Berei jou voor vir ’n unieke reis vol kulturele ontdekkings.

Dag 2 –  Aankoms by Narita-lughawe en verwelkoming deur die gids. Vertrek na Yokohama vir 2 nagte. Yokohama is bekend vir sy moderne waterfront en rustige parke. Die stad bied ’n wonderlike balans tussen tradisie en kosmopolitaanse lewe.

Dag 3 – Volledige dag Tokio-stadstoer. Besoek Shibuya, Shinjuku, Harajuku en Omotesando. Shibuya is beroemd vir sy wêreldbekende kruising en energieke atmosfeer. Harajuku, is die middelpunt van Japannese popkultuur en unieke mode.

Dag 4 – Beleef Asakusa, Akihabara en Ginza. Senso-ji in Asakusa is een van Tokio se oudste en mees geliefde tempels. Akihabara, is die mekka van tegnologie, anime en speletjies, terwyl Ginza bekend is vir luukse winkels en fynproewers eetplekke.

Dag 5 – Reis na Hakone vir uitsigte van Mount Fuji. Die Oshino Hakkai-dorpie is gevul met kristalhelder fonteine en tradisionele strooidakhuisies. Die area is ’n ideale plek vir foto’s en ’n rustige Japannese ervaring.

Dag 6 –  Vertrek na Kyoto. Arashiyama se bamboeswoud is een van die mees gefotografeerde plekke in Japan. Die Goue Tempel skitter teen die water en Fushimi Inari bied ’n betowerende staproete deur duisende oranje torii-poorte.

Dag 7 – Beleef Nara. Die Todaiji-tempel huisves een van die grootste brons-Boeddhabeelde in die wêreld. Die takbokke in die park word as heilig beskou en beweeg vrylik tussen besoekers rond.

 Dag 8 – Ontdek Osaka: Osaka-kasteel is ’n simbool van die land se feodale geskiedenis. Dotombori se neonligte en eetplekke skep ’n onvergeetlike naglewe-ervaring. Die Umeda Sky Building bied panoramiese uitsigte oor die stad.

 Dag 9 – Ons spandeer ‘n volle dag in Hiroshima. Die Vredespark staan as ’n ontroerende herinnering aan die geskiedenis en die hoop vir wêreldvrede. Miyajima-eiland is bekend vir sy asemrowende ‘drywende’ torii-poort en stil heiligdomme.

Dag 10 – Ry met die Shinkansen terug na Tokio. Die stad bied eindelose moontlikhede vir inkopies, museums en eet-ervarings. Tokio se unieke kombinasie van tradisie en modern leefstyl maak elke besoek onvergeetlik.

Dag 11 – Na ontbyt het ons eie tyd tot 12:00. Perfek vir laaste inkopies of ’n rustige wandeling deur die stad. Tokio se buurtes soos Shinjuku Gyoen en Ueno Park bied rustige natuurskoon. Daarna vertrek na Narita vir jou terugvlug.

Dag 12 –  Aankoms in Johannesburg met ongelooflike herinneringe aan Japan se skoonheid, kultuur en gasvryheid.