Dag 1 – Vertrek vanaf Johannesburg Internasionale Lughawe na Oslo Noorweë. Aandete aan boord. Meld reeds 3 uur voor vertrek in en ontmoet jou toerleiers in die Internasionale vertreksaal nadat hulle deur doeane gegaan het.

Dag 4 – Na ontbyt vertrek ons ​​na Bergen. Reis deur ‘n pragtige streek van Noorweë op pad na Bergen, waarskynlik die mooiste stad in Noorweë. Ons ry langs die pragtige Hardangerfjord via Brimnes en Bruravik. Doen ‘n stadstoer deur Bergen, wat ook “Daughter of the Sea” genoem word. Besoek die romantiese ou dorp Bryggen sowel as die interessante en moderne nuwe dorp. Hierna geleentheid vir inkopies of uitstappies soos ‘n besoek aan die vismark of ‘n rit berg op met die rattrein vir ‘n prentjiemooi uitsig oor hierdie pragtige stad. Ry terug na Eidfjord en eet aandete in die hotel.

Dag 5 – Na ontbyt vertrek ons ​​deur die Noorse platteland via Stryn na Gudvangen. In Gudvangen neem ons ‘n veerboot na Flam en vaar oor die bekende Sogne-fjord – wat die koning van die fjords genoem word. Vanaf Flam neem ons ‘n asemrowende treinrit na Myrdal. Die roete klim 863m oor 20km, iets besonders en die ervaring van ‘n leeftyd!

Reis verder vanaf Flam, met ‘n pragtige roete deur die nou valleie wat oorskadu word deur majestueuse berge en borrelende watervalle en die binnelandse mere, na Gol aan die oostekant van die Sogne-fjord, vir een nag se verblyf. Oornag in Gol en aandete in die hotel.

Dag 6 –  Vanoggend na ontbyt reis deur die noordelike mere-distrik van Noorweë terug na Oslo. Arriveer rondom middagete met ‘n kort middaggeleentheid en vrye tyd vir inkopies, voordat ons laatmiddag met Overnight Ferry (Ferry) na Kopenhagen vertrek vir een nag se verblyf in die Deense hoofstad. Dit is ‘n belewenis om op die dek te staan ​​wanneer ons vertrek en dan ‘n belewenis om die luukse boot van hoek tot kant te verken. Later geniet ons ‘n smaaklike aandete in een van die luukse restaurante aan boord.

Dag 7 – Kom na ontbyt in die hawe van Kopenhagen aan vir een nag se verblyf in die Deense hoofstad. Vertrek op ‘n uitgebreide stadstoer van Kopenhagen vir 4 uur gelei deur ‘n plaaslike gids. Die besoek aan Kopenhagen neem ons deur die hartjie van die Deense hoofstad vol historiese geboue en ou strate. Besoek die Klein Meermin en die Gefion-fontein, die “Royal” kothuis Amalienborg-paleis asook die “Nyhavn-kanaal” met sy pragtige restaurante en skilderagtige kuierplekke. Neem daarna ‘n heerlike stadtoer per kanaalvaart. Ná die kanaalvaart is daar vrye tyd vir jou eie besienswaardighede en inkopies. Later terug hotel toe vir aandete.

Dag 8 – Vandag na ontbyt vertrek ons ​​na Berlyn. Reis eers deur die Deense platteland na Gedser aan die kus van die Noordsee waar ons per “ferry” na Rostock in Duitsland vaar. Vandaar reis ons na die hartjie van Berlyn vir twee nagte se verblyf. Ons maak eers ’n draai in die stad vir inkopies in die hoofst inkopie straat en in die groot KaDeWe-afdelingswinkel voordat ons hotel toe gaan.

Dag 9 – Vandag is ‘n voldag besoek aan Berlyn en omgewing. Besoek die Brandenburg-plein, die historiese hek “Checkpoint Charlie”, die Berlynse katedraal, die Reichstag, Kurfurstendamm en Potzdammer Platz saam met ’n plaaslike gids. Na aandete is daar ook tyd om die stad te voet te verken.

Dag 10 – Vertrek na ontbyt vertrek ons op ‘n opwindende uitstappie na Potsdam met ‘n besoek aan die “Sanssouci-park en -tuine” buite Berlyn. Ons ry dan verder na ​​die spesiale middeleeuse stad DRESDEN vir ‘n staptoer deur hierdie pragtige ou stad. Ons slaap een aand in Dresden en die aand is vry vir eie vermaak.

Dag 11 – Na ontbyt, vertrek oor die Poolse grens na Wroclaw vir een nag se verblyf. Arriveer rondom middagete vir ‘n uitgebreide stadtoer met besoeke aan die “ou stad” en die beste besienswaardighede in die pragtige Poolse stad. Wrocław (Duits: Breslau) is die vierde grootste stad in Pole en die administratiewe hoofstad van Neder-Silesië. Wrocŀaw funksioneer as die setel van ‘n Rooms-Katolieke aartsbiskop, ‘n Evangelies-Lutherse biskop, met talle akademiese instellings sowel as teaters en museums, en die kulturele en wetenskaplike sentrum van Silesië. Die stad is aan die Oderrivier en in die middel van ‘n belangrike landbougebied geleë.

Dag 12 – Na ontbyt vertrek ons vir twee nagte se verblyf in Krakow in Pole. Die reis neem ons via Oswiecim vir ‘n volledige besoek aan die Auschwitz-konsentrasiekamp onder leiding van ‘n plaaslike gids. Die Auschwitz-konsentrasiekamp was ‘n netwerk van konsentrasie- en uitwissingskampe wat tydens die Tweede Wêreldoorlog deur Nazi-Duitsland opgerig en bedryf is. Hierdie kampe is naby die Poolse stad Auschwitz geleë. Meer as ‘n miljoen mense, hoofsaaklik Jode, het in die kampe gesterf. Na die besoek, reis verder na Kraków, die tweede grootste metropool in die land met ‘n bevolking van meer as 750 000.

Dag 13 – Vandag is ‘n voldag besoek aan Krakow en sy omgewing onder leiding van ‘n plaaslike gids. Die middestad word oorheers deur ‘n groot verskeidenheid geboue in die Gotiese, Renaissance, Barok en latere boustyle. Met baie historiese geboue en 2,5 miljoen kunswerke het Krakow die belangrikste reisbestemming in Pole vir kunsliefhebbers geword. Ons bekyk die markplein in die historiese middestad met sy unieke geboue en het die geleentheid om die belangrikste besienswaardighede in ons eie tempo te ontdek. Aandete in die hotel en tyd om die stad te voet te verken.

Dag 14 – Ons laaste dag in Krakow en omgewing. Ons het tyd in Krakow vir laaste inkopies voordat ons na die lughawe vertrek vanwaar ons ‘n aansluitingsvlug na Johannesburg kry.

Dag 15 – Ons arriveer op Johannesburg Internasionale Lughawe.