Turkye Toer

< terug na alle Toere

3 - 15 Oktober 2025

R44 650

VOLBESPREEK - PLAAS NAAM OP WAGLYS!

  • Toer oorsig

Ons besigtig geskiedkundige landsmerke en geniet ‘n vol program deur Turkye. ‘n Onvergeetlike Turkse ervaring wag op jou. 

  • Kostes verbonde

Totale toerprys sluit retoer vliegtuigkaartjies met lughawe belasting in: R44 650

Finansiering: ‘n deposito van R6 000 is betaalbaar met bespreking 

  • Sakgeld is nie by die toerprys ingesluit nie.
  • Die koste van paspoorte, visums en reisversekering is nie ingesluit nie. Elke persoon is verantwoordelik om self paspoorte te bekom. Hulp sal verleen word met die verkryging van visums, maar elkeen moet self die koste dra.
  • Addisionele uitstappies en fooitjies is nie ingesluit nie. 
  • Enkelkamertoeslag beloop R11 000
  • Ingesluit in die toerprys
  • Retoer vliegkaartjie MET lughawe belasting is ingesluit (meeste rederye vra tans meer as R7 500)
  • Alle landvervoer is ingesluit
  • Drie ster toeristeklas hotelle met privaat badkamers
  • Ontbyt elke dag, meeste aandetes
Plaas naam op waglys
  • Reisprogram

DAG 1

Vertrek vanaf Johannesburg Internasionale Lughawe na Istanbul. Aandete aan boord. Meld reeds 3 ure voor vertrek aan en ontmoet u toerleier in die Internasionale vertreksaal.

DAG 2

Arriveer in Istanbul vir 2 aande se verblyf. Gaan op ‘n Bosphorus sonsondergang rivier-bootvaart. Aandete in die Hotel in Istanbul. Die aand is vry om in Istiklal straat rond te loop vir inkopies in een van die langste en besigste inkopie strate in die wêreld.

DAG 3

Vandag is daar geleentheid om Istanbul te verken vir ‘n vol dag stadstoer met ‘n Engelse gids. Besoek al die wonderlike besienswaardighede soos die Blue Mosque, Hagia Sofia, Grand Bazaar, Galata Port, Galata tower, Topkapi, Hippodrome en nog vele meer. Die aand is vry vir inkopies en vrye tyd in hierdie stad wat nooit slaap nie.

DAG 4

Istanbul – Gallipoli- Eceabat – Çanakkale

Reis na ontbyt verder na Canakkale vir een nag se verblyf. Ons reis via Gallipoli en Eceabat en bring ‘n besoek die ANZAC slagvelde by Gallipoli met die Lone Pine Australian Memorial asook die Chunuk-Bair New Zealand Memorial. Gallipoli – Betoon respek by die Lone Pine en Chunuk Bair gedenktekens en besoek ANZAC Cove, ‘n beroemde WW1 landingsplek. Die aand vrye tyd.

DAG 5

Çanakkale – Troy – Kuşadası
Reis na ontbyt vanaf Canakkale na Kuşadası vir een nag se verblyf. Reis van Canakkale na Troy waar ons die oggend deurbring om die antieke stad te besoek. Troy – Ontdek die legendariese ruïnes en sien ‘n replika van die beroemde houtperd wat gebruik was om die stad te plunder. Vertrek na Troy na ons pragtige hotel wat oor die see uitkyk by Kuşadası vir aandete en een nag se verblyf.
 

DAG 6

Kuşadası – Efese – Pamukkale
Vertrek vroeg vanaf Kuşadası vir een aand se verblyf in ‘n ongelooflike hotel naby die blou poele in Pamukkale. Reis dan na die Bybelse stad van Efese waar ons die Artemis tempel, Odeon en Celcius biblioteek besoek. Efese – Besoek die marmerruïnes van hierdie Romeinse stad wat eens die plek was van die groot Tempel van Artemis, een van die Sewe Antieke Wonders. Geniet aandete, Turkse danse en ‘n swem of sauna by die hotel in Pamukkale.
 

DAG 7

Pamukkale – Fethiye
Vertek na ontbyt na die terrasvormige swembaddens en natuurlike warm en kalsiumryke water van Pamukkale. Bring eers ‘n besoek aan hierdie kalsium poele en die ou stad van Hierapolis waar die Appolo tempel en die antieke stad van Acropolis is waar vele Christene gemartel is in die Bybelse tyd. Vertrek dan na die vakansiedorp, Fethiye, langs die blou see vir twee nagte se verblyf. Aandete in die hotel. Die aand is vry vir eie vermaak en vir die verken van hierdie besige dorpie met al sy restaurante, markte en kroeë.
 

DAG 8

Na ontbyt gaan ons een van die hoogtepunte van hierdie toer beleef. Ons vertek op ‘n voldag bootvaart na die 12 eilande om Fethiye vir swem en ontspannning in die mooiste en blouste see. Daar is selfs tyd om vanaf die boot in die see te spring vir lafenis. Ons nuttig middagete op die boot en daar is genoeg tyd vir ‘n dans en skuimpartytjie terwyl ons om al die eilande vaar. Die aand is vry vir wandel, swem en inkopies.

DAG 9

Fethiye – Konya
Ons vertrek vanoggend na ‘n heerlike Turkse ontbyt deur die platteland na die stad van Konya vir een nag se verblyf. Ons arriveer in Konya en besoek die Mosaleum van Mevlana voordat ons na die hotel gaan vir aandete en vrye tyd.
 

DAG 10

Konya– Cappedocia
Na ontbyt vertrek ons na Cappedocia met sy asemrowende landskap vir twee nagte se verblyf. Reis verder en verken die landskap van Cappedocia. Die aand gaan ons na ‘n tipiese Turkse aand (opsioneel) toe met Turkse musiek, Dervisher dansers en al die smaaklike Turkse disse waaraan jy kan dink.
 

DAG 11

Vir diegene wat vroeg wil opstaan is daar ‘n geleentheid om op die lugballone te gaan met uitsigte oor die unieke landskap van Cappedocia. (opsioneel). Na ontbyt het ons ‘n voldag toer van hierdie ongelooflike deel van die wêreld. Ons besoek ondergrondse Christen stede, pragtige valleie, berge, strome en riviere, vulkaniese rotsformasies en die menige huisies wat in die rotse ingebou is. Ons het middagete in die vallei en daar is genoeg tyd vir inkopies, fotos en heerlike disse. Na aandete is daar vrye tyd vir verkenning en saamkuier.  
 

DAG 12

Vertrek na ontbyt na die Turkse hoofstad van Ankara vir ons aansluitingsvlug terug na Johannesburg via Istanbul. Daar is nog tyd om die baie beroemde vader van die Turke, Ataturk, se graf en monument te besoek voor ons lughawe toe gaan.

DAG 13

Arriveer in Johannesburg op OR Tambo Lughawe.

DIE EINDE VAN ‘N BESIGE MAAR ONVERGEETLIKE ERVARING!

Plaas naam op waglys

< terug na alle Toere

'n Onvergeetlike ervaring wag op jou!

Kom toer saam!

Skryf nou in!

2025 Toere

Sosiale Media

Kontak Ons

Skryf vandag in